Ora mamà sugnu fattu ‘ranni ‘u sai?

E sugnu fattu ‘ranni assai

janchi m’addivintaru li capiddi

e granni mi crisceru i picciriddi.

Ma tu mamà pi mia si sempre bedda

a come quanno tu eri picciuttedda

nudda amanti mai m’amato come a tia

sì fimina ruci e china di puisia.

Si putissi tornare picciriddu

ci turnassi pi stariti r’in coddu

pi pigghiarimi tutte li minsigghie

e scurdarimi tutte l’ingramagghie.

‘Un ni haju di dariti ricchizzi

ma sti palore chine di ducizzi

e vulissi stariti ‘ncuttu ‘ncuttu

pi priarimi e cunsularimi tuttu.

                                    Giuseppe